Jalwah nabi ka dekh kar Urdu Lyrics (Kalaam-E Shaikhe Azam)

Jalwah nabi ka dekh kar hairan ho gaye
Jo bhi qadmo me aye woh zishan ho gaye

Maula ne unko kar diya mukhtare kul jahan
Saare jahan ke aap nigahban ho gaye

Takhkiqe kul jahan bana sadqa huzur ka
Is tarah har jamane ke sultan ho gaye

Dushman ko bhi nawajishe sarkar ke tufael
Dekha gaya he sahibe imaan ho gaye

Ishqe nabi se jis ne sazaya he qalb ko
Darya-e ma'rifat ke woh irfan ho gaye

Likha qalam ne ishq ki gehrayioon ke sath
Naate nabi se kya se kya hassan ho gaye

Jis jis ko tarbiyyat mere sarkar se mili
Har har taraf woh a'qa ke faizan ho gaye

Dar par huzuri ke liya a'qa bulayiye
Hasrat jadah ke bas yehi arman ho gaye

Taqat kahan jo kar sake Izhar martaba
Khaliq ki ma'rifat ke woh  burhan ho gaye


★Izhar-E Aqidat★
Shaikhe Azam Hazrat Syed Izhar Ashraf Ashrafi Jilani (Rh.)